Recovery

Eins og ég skrifaði um í þessari færslu hér þá er ég farin að hugsa meira um það hvað efni ég set á húðina mína. Ég er nú enginn sérfræðingur í þessum efnum og er því bara að prófa mig áfram. Mig langar að sýna ykkur þrjár vörur sem ég er að nota ásamt þeim sem ég nefndi í fyrri færslunni.

Yes to Carrots Fragrance Free Daily Cream Facial Cleanser.

Eins og nafnið gefur til kynna þá nota ég þennan hreinsi daglega. Hann er að mínu mati mjög mildur og góður og auðveldur í notkun. Mæli með honum!

Yes to Carrots Fragrance Free Exfoliating Cleanser

Þennan skrúbb nota ég 1-2 í viku. Ég er hins vegar ekki alveg nógu ánægð með hann. Hann er voða góður þegar ég set hann á mig en þegar það kemur að því að skola hann af þá er eins og hann festist við húðina og ég þarf að eyða of miklum tíma í það að taka hann af. Kannski á þetta að vera svona en ég er ekki alveg að fíla það.

Svitalyktareyðir frá Tom´s of Maine.

Þessi svitalyktareyðir er án áls, rotvarnarefna og er ekki prófað á dýrum svo einhvað sé nefnt. Sem er mjög gott. En því miður er hann að mínu ekki alveg nógu góður. Hann á að virka í 24tíma en ég get ekki staðfest að hann geri það. Ég nota því aðra svitalyktareyði inná milli.

-ellen agata