Diljá Heimis

Nú fékk ég hana Diljá Heimisdóttur til að sýna mér og segja frá sínum húðflúrum. Flott stelpa með flott flúr.!

Nafn? Diljá Heimisdóttir

Aldur? 21. árs

Nám/starf? Ég er í Tölvunarfræði við Háskólann í Reykjavík og vinn smá með skóla hjá já.is.

Hvað ertu með mörg húðflúr?

Ég er með sjö tattoo í heildina. Fyrsta tattooið sem ég fékk mér var demanturinn. Ég fékk mér það á tattoo festivali árið 2010. Annað tattooið sem ég fékk mér var á Þorláksmessu árið 2010. Þá fór ég ásamt 3 systrum mínum á Reykjavík Ink til Mike og við fengum okkur allar Heimisdóttir tattoo en á mismunandi staði. Í byrjun sumars 2012 fór ég til Tyrklands og fékk ég mér fuglana 3 á hendina og seinna um sumarið fékk ég mér peace merki á bakið. Í nóvember 2011 fékk ég svo þessa "frábæru" hugmynd að leyfa vini mínum að setja eitt flúr á mig. Hann tattooaði kross á mig sem ég fór svo og lét laga nákvæmlega ári seinna. Þá fór ég til Jóhönnu Geirdal og fékk mér fallega bæn á síðuna og hún reyndi að bjarga krossinum sem ég lét vin minn gera.

Núna í september byrjaði ég svo loksins á sleeve-inu mínu sem mig hefur dreymt um alltof lengi. Ég fór á Tattoo Expo og fékk tíma hjá Sigga Palla frá Mótorsmiðjunni. Ég kom til hans á laugardeginum með hugmyndir og við spjölluðum, brainstormuðum og komumst að niðurstöðu. Á sunnudeginum fékk ég mér svo sugarskull/dia de los muertos. Í oktober bætti ég svo við rósinni vegna þess að við höfðum ekki tíma til að setja hana á tattoo festivalinu. Það er ekki ákveðið hvenær ég bæti við næst, en ég ætla samt að halda áfram með svona old school þema.

Hvernig finnst þér viðhorfið við húðflúrum? Það eru rosalega skiptar skoðanir á flúrum. Sumir segja að þetta sé bara fyrir glæpamenn, aðrir fyrir sjómenn o.s.f. Maður finnur fyrir því hvernig fólk horfir á mann sem finnst þetta ekki flott. En hinsvegar hef ég fengið mörg hrós og spurningar í sambandi við tattooin mín og þá sérstaklega það nýjasta og það er auðvitað alltaf gaman. En ég elska tattooin mín og ég sé alls ekki eftir því að hafa byrjað á þessu. Fólk hefur skiptar skoðanir á öllu og fólk þarf bara að læra að vera það sjálft og hætta að dæma aðra :)

Draumahúðflúr sem þig langar í?  Ég hef átt mér draumaflúr í nokkur ár sem er andlitsmynd en hún er smá leyndarmál. En það ætti nú að fara að styttast í að hún fái að bætast við í safnið.

Finnst þér sársaukafullt að fá þér húðflúr? Það getur verið sársaukafullt já. Þegar ég var í sleeve-inu þá var þetta alls ekki vont til að byrja með, en eftir svona 4 tíma þá var ég orðin mjög þreytt og þá var hann að skyggja í hárið á stelpunni og það var akkúrat á beininu. Hann var að fara ofaní aftur og aftur og þá byrjaði ég að svitna og vildi helst bara standa upp og fara. En þetta er allt þess virði þegar uppi stendur :)

Hvaða stað á líkamanum myndir þú aldrei fá þér húðflúr? Einu sinni var ég næstum því búin að fá mér flúr nálægt andlitinu, en sem betur fer náði mamma að tala mig út úr því og er ég ævinlega þakklát fyrir það,  ég myndi aldrei fá þá hugmynd aftur.

Fimm spurningar með hraði
Einn tveir og byrja!

Uppáhalds tónlistarmaður? Arnór Dan/Svala Björgvins.
Uppáhalds bíómynd?  Naked Gun myndinar
Við hvað ertu hrædd/ur? Ég get verið rosalega myrkfælin
Hvar líður þér best? Uppí rúmi
Hverjum ertu skotin í? Ian Somerhalder

Framtíðarsýn?  Ná markmiðum mínum, skoða heiminn og njóta þess sem lífið hefur uppá að bjóða.

Lífsspeki:  "The most important thing is to enjoy your life - to be happy - it´s all that matters."  Audrey Hepburn

Takk fyrir þetta Diljá!

-ellen agata