Must Have Tattoos: Anna Magga

Það má segja að ég sé algjör tattoo-pervert. Mér finnst ótrúlega gaman að skoða húðflúrin hjá fólki og sjá hvað þau eru misjöfn eins og þau eru mörg. Þetta getur stundum verið frekar vandræðilegt þegar ég þekki ekkert fólkið og það fer að taka eftir því að ég er að stara á það.

Að þessu sinni fékk ég að skoða aðeins húðflúrin hjá henni Önnu Möggu en hún er komin með ágætis safn af mjög svo flottum húðflúrum. Ég vona að þið hafið jafn gaman af þessu og ég.

Nafn? Anna Magga

Aldur? 28 ára

Hvað ertu með mörg húðflúr? Ég er löngu hætt að telja og hef ekki gert í mörg ár. Ef einhver spyr segist ég bara vera með 1 stórt :) Flestöll eru eftir artista sem starfa á Reykjavík ink, en ég fer alltaf þangað. Ég var einu sinni með rosalega mikið af útlínum af stjörnum en hef verið að vinna í því að covera þær, sem gengur vel því þær voru allar í ljósum litum. Ég býst við því að halda einhverjum en flestallar eru horfnar, þá aðallega á handleggjunum en það eru þónokkrar eftir á bakinu sem bíða eftir að hverfa.

Stíll ? Er ekki mikið fyrir black and gray á sjálfri mér en ég fæ mér yfirleitt mjög litrík húðflúr. Er með svarthvítar rósir á framanverðu lærinu en það er eina stóra sem er ekki með neinum lit. Er meira fyrir traditional (á mér þeas) en ég hugsa að ég myndi aldrei fá mér realistic flúr nema það væri portrait.

Uppáhalds flúr? maneki neko kisinn eftir Jason June, halve sleeveið eftir Thomas Asher og páfuglinn á bakinu eftir Jennifer Lynn.

Tákna húðflúrin þín eitthvað? Er með nokkur sem tákna eithvað, en flest öll tákna ekki neitt. Mér finnst það ekki skipta neinu máli þegar kemur að því að velja sér flúr finnst það persónulega frekar hamlandi ef eithvað er.

Hvernig finnst þér viðhorfið við húðflúrum? Mér finnst viðhorf gagnvart húðflúrum hafa breyst mjög mikið á síðastliðnum árum. Því fleiri sem fá sér stór og áberandi tattoo, því "venjulegra" verður það. Ég upplifi allavega ekki lengur fordóma þannig séð, frekar forvitni, en ekki á slæman hátt.

Áttu þér draumahúðflúr? Mig langar einhverntíman að komast að hjá artista sem heitir Rose Hardy. Hún er frá Ástralíu en er nýflutt til New York, sem er kannski aðeins aðgengilegri staður en Ástralía :) Ég er búin að fylgjast með henni í langan tíma og er alveg ótrúlega heilluð af því sem hún gerir. Er að geyma eina lausa staðinn á höndunum fyrir tíma hjá henni, er með einhverjar hugmyndir en ekki 100% búin að ákveða mig hvað það verður.

Finnst þér sársaukafullt að fá þér húðflúr? JÁ mér finnst það hræðilegt! Þegar ég byrjaði að fá mér tattoo fannst mér þetta ekkert mál, en mín kenning er sú að með tímanum verði þetta bara verra og verra. Ég allavega endist ekki lengur í stólnum en klukkutíma - einn og hálfann max. Ég hef á síðastliðnum 2 árum minnkað rosalega að fá mér flúr aðallega vegna þess mér finnst það svo vont og langar ekki að upplifa sársaukann. Í rauninni finnst mér ótrúlegt að ég hafi náð að fá mér svona mörg :)

Hvaða stað á líkamanum myndir þú aldrei fá þér húðflúr? Mér finnst hálsaflúr rosalega flott, en ég myndi aldrei þora því sjálf. Ég hugsa að ég muni heldur aldrei fá mér á magann.

Fimm spurningar með hraði. Einn tveir og byrja!

Uppáhalds tónlistarmaður? Morrisey

Uppáhalds bíómynd? The lovely bones

Við hvað ertu hrædd/ur? Postulínsdúkkur og postulínstrúða, bæði jafn creapy.

Hvar líður þér best? Heima

Hverjum ertu skotinn í? Snorra mínum

Framtíðarsýn? Vera hamingjusöm :)

Lífsspeki? Que sera sera